韓國限定！Holika Holika x 蛋黃哥彩妝品

Smooth Egg Skin Peeling Gel (7,900won)


我係蛋王哥嘅超級粉絲嚟，即使一直都冇用開Holika Holika嘅products，今次我都乖乖奉上銀兩喔～

咁既然係用得嘅products，冇理由擺喺度唔用嘅
就即管試下雷唔雷啦XD

<3 Smooth Egg Skin Peeling Gel:
蛋白中蘊含蛋清及多種礦物質成分，
能溫和地去除死皮細胞，潤澤肌膚，
令肌膚重拾健康光采。

透明及水潤啫喱配方，
只要適量塗於肌膚上約1至2分鐘後
以指尖輕輕搓揉約1分鐘，
便能去除肌膚上的老化角質

使用後明顯能保持肌膚水潤，沒有繃緊感覺。

性質溫和，適合不同性質及敏感肌膚

<3 成份:
蛋黃提取物, 馬齒覓提取物,
甘蔗提取物, 越桔提取物

<3 用後感
如果講包裝，外型
以我呢個超級粉絲嚟講，
我梗係會話：巧打耳、超打耳、勁打耳架啦～！！
但講真，打耳還打耳，我覺得個蓋有D難開> <"

一打開個"殻"⋯⋯
"嘩～～～蛋王哥喔～～ <3 "

<3 瓶身設計：
Official果邊就話，就咁㩒"蛋白"嘅部份，就可以吱到D peeling gel出嚟～
喂，但我想講，好。難。吱～！唔係吱唔到，但一㩒落去就一大pat咁飛出嚟，好難控制份量囉=.=
(因為作呢隻peeling gel比我平時用開嘅比較稀身；比較水D，所以一大pat嘅話，真係會捽到天葩地老喔=.= )
反而，正正常常咁倒出嚟，係容易D控制份量嘅多與少～

<3 氣味嚟講呢⋯⋯
um...我自己就覺得麻麻地，因為我覺得陣花味(?!!) 好假，有D似toilet果D空氣清新劑嘅味 :P

<3 效果
捽左一陣，已經好快見到D擦紙膠碎捽左出嚟，而又因為個gel夠濕潤，所以打圈捽夠成分鐘，都唔會話"啜住"咁

唔知大家知唔知，坊間有D peeling,其實唔喺塊面上面捽，都會捽到擦紙膠碎出嚟架？聽講果一種係咪都捽到野出嚟嘅peeling gel,去角質嚟講，係冇咩用的

而Holika Holika呢隻，我同時都有喺檯上面捽嚟試
。。。。。。
放心，喺檯上面，佢係完全捽唔到擦字膠碎出嚟嘅XD
咁如果前人講嘅野係真的話，咁即係呢支peeling,捽嘅係堅。老化角質嚟 :)

捽完，過水之後，會立即見到皮膚sheer左，白淨左D，塊面又唔會好乾，完全冇繃緊嘅感覺，觸感係柔軟左D嘅。
不過塊面就仲有好大陣花香味喺度囉XD
鼻頭長粉刺嘅部分，明顯見到有減少到，變得平滑細緻 :)

<3 總結：
以呢個價錢做到如此效果，係令我超surprise的。
除左我自己唔係咁鐘意呢個product陣味之外，整體表現都超乎我想像。
回購率達到90%

嘉頓Cafe

上兩星期，《新假期》嘅blog文介紹左位於深水埗；嘉頓麵包廠地下嘅cafe。
好outdate的說，我本身真係唔知果度係有Cafe同餐廳嘅。

所以，前幾日就即刻衝去潮聖喇XD

點樣去、入面有D咩嘅特式野⋯⋯
呢D《新假期》已經喺blog文講左lu。
詳情～＞ http://goo.gl/ylPgT5



我打算講吓呢間cafe嘅食物XD

喺食物方面，Cafe係以輕食為主，
有蛋糕、酥餅、麵包、撻⋯⋯
全部都係自家製，日日新鮮出爐。

但唔知點解，我一行到去收銀處落order嘅時候，我唔係order佢地熱辣辣新鮮出爐嘅野食，而同時我個腦飄出：什果蛋糕，呢4個字XD
所以嘛，我就order左什果蛋糕＋熱奶茶 （套餐價＄30)
而同行嘅靚女，就order左火煺芝士香草包＋凍鮮奶（套餐價＄30)

呢間Cafe飲品嘅choice係比較少，大家想order凍檸茶、凍檸水、可樂⋯⋯嗎？
Sorry，沒。有。喔～！
凍飲就只得凍鮮奶XD
而熱飲方面，就有咖啡、奶茶、朱古力、紅茶同鮮奶。

什果蛋糕真係極度推介，
賣相吸引，海綿蛋糕夾住幼滑嘅忌廉，好高好大件！
蛋糕食落非常鬆軟，而且又唔太甜，
忌廉裡面mix埋雜果粒，超fresh，一啲都唔覺得膩～

火煺芝士香草包，
麵包好鬆軟，新鮮熱辣；溶溶地芝士加埋火煺大大塊咁夾喺中間，芝士嘅香味加埋香草包嘅質感，完全可以滿足到味蕾。

至於熱奶茶
本人就覺得較為遜色左少少
簡單到只係一個Lipton茶包沖製而成，老實說，冇咩茶香。

凍鮮奶嘛
同行嘅靚女話，好淡味，似Low Fat果一種牛奶。

反而餐飲嘅紙杯（凍熱飲品都係用同一個紙杯的喔^^），
印有藍白格仔pattern＋嘉頓嘅logo，好靚好精緻～！

我當時真係好有衝動想拎隻杯返屋企XD
但又怕比人用歧視嘅眼光望住，
所以嘛，最後影左張相留念就算XD

總括嚟講，嚟呢度食tea，抱住潮聖／參觀嘅心態會比較好一D
士多啤梨什果蛋糕係好食嘅，其他就不過不失啦～

呢度嘅精品／紀念品同埋少量展品，反而比食物更吸引^^

Max Clinic Cirmage Lifting Stick

呢一隻韓國嘅lifting stick, 上星期突然間爆紅， 幾乎整個FB Newsfeed 都見到女性朋友share果一條video。

我自己睇完，都急不及待，托身處韓國嘅MUA朋友幫我買返支返嚟試吓 :P

而又因為呢個video嘅noise好強勁，之後好快就喺網上出現一大堆產品試用文、評價etc（當然係有好有唔好架啦）

咁老實講，一支三兩百蚊嘅product，如果你地相信真係做到片入面果一種效果，就未免有D傻豬豬了～

至於網上嘅comment⋯⋯
嗱嗱嗱～
我由此至終都覺得，冇親身試過，講乜都係冇用嘅。

我自己就係抱住好奇心，見平平地就買支嚟玩吓 :P

至於果D聽人講所謂"係膠水"，"有毒"呢D comment⋯⋯
其實有細心去分析就會知道，係冇可能發生嘅事哦（人地國家出產一個product,都要經過檢驗的，何況video未爆紅嘅時候，呢支product一直都冇出口去第二度，咁果D台灣嘅試用文同感想，又從何處來？難道韓國嘅人抗毒能力較高？完全冇產品安全檢查？）

又因為呢支product一夜間爆紅嘅關係
成份同埋原理，大家應該都search左好多出來了，我都唔再咁長氣喺度提喇～

咁不如我又講講，我自己係用成點^^

呢支貨，我暫時用左3次～
（本人為混合性缺水性皮膚）

☆暫時嘅用後感如下：
第一次用，
我係跟official嘅指示，先用toner，再用呢支lifting stick 的。
講真，係有D啜住塊面，有D難推。
又因為呢支lifting stick嘅成份粒子係比較大，用完爽膚水就即刻用呢支lifting stick,會覺得塊面好似唔夠保濕
而事實，第二日瞓醒，我feel到覺己塊面底層好乾
（因為試用呢支product，我用完toner冇用任何精華就直接用呢支lifting stick吧-.-）

到第二次用，我用完toner，自行加入b5原液，先再用呢支lifting stick,
咁支stick就好推好多了～
瞓醒之後，塊面感覺好返好多，皮膚感覺水潤而且柔軟。

支lifting stick,對我嚟講，係有D潤嘅（可能Skin type屬於混合性偏油嘅朋友就未必岩用）
由其支stick去到眼部嘅位置，一喺上眼皮拉嘅時候，我係會見到D眼睫毛同眉毛，直情漿埋左一舊舊咁。
（所以之後我都避開上眼皮呢一part了）

但又係咪坊間講到，支lifting stick好似膠水咁呢？
其實唔係嘅，個感覺會比較似搽左D好潤好潤嘅blam喺面咁而已。
其實過左10mins左右，情況會好d，
摸落去果一種feel係潤澤感，而唔係痴lup lup、漿住、黏lup果一種感覺。

☆提升度
係即時見到嘅 （腮線，由其眼部，好明顯見到隻眼係戚左上去）
據說，洗完面就冇左呢個效果⋯⋯其實好簡單，大家有做過人手facial嗎？用手按摩做提升，其實個效果都係一瞬間，並唔持久的
要得到改善，係需要長時間keep住做先可以。
而呢支lifting stick就係呢一種效果。

☆去紋，
我覺得D紋冇話好似條片咁，即刻減少左（虎紋同缺水紋）
遠睇會覺得D紋好似淡左咁，我諗只係因為個product搽完上面，望落塊面有少少matte，所以感覺好似少左紋，但其實details望清楚，D紋仲喺度嘅。

☆美白，
我覺得係因為配合刮沙原理，再加埋product搽左上面之後，塊面會matte左，血液循環好左
所以睇落都有白淨D嘅～

☆上妝
至於話用完呢個product，上唔到妝呢一個問題⋯⋯
我係絕對唔認同～！
BB Cream,Liquid FDT, FDT Stick我都有試過，完全係冇問題嘅～
Even我化左一個全妝，有齊遮瑕、眼影眼線、mascara，胭脂膏 etc，都完全冇問題
（冇話起擦子膠，冇話眼底好厚，亦都冇cake粉／浮粉同溶晒D眼線）

而且化出嚟都keep到韓妝果一種水潤感的～

☆所以嘛，我覺得配合返正確嘅化妝技巧就可以了^^

☆總結：
我係隔晚咁用，只係用左3次
so far未睇到有好大嘅轉變
但氣色係好左D，塊面都冇咁乾

如果你買呢個product,係希望做返條片既驚人效果，我就唔係咁recomment你地買lu~
但係,如果你地想要多支平平地既野，幫面部按吓摩、通吓淋巴，佢係值得考慮喔

因為⋯⋯
佢個packing design，設計支lifting stick個形狀，無可以好準確咁按到面部既穴位的。

產品成份係有韓國食品醫葯品安全局嘅認可
（美白、抗皺雙重功效），所以網上果D人云亦云嘅傳言，大家睇完真係唔洗咁驚喇 XD

用作保養品；堅持長期配合刮沙嘅手勢咁用
想要達到緊緻提升，係冇問題的 :)

勁親民嘅乾果機

我本身就勁鐘意食乾果同埋蔬菜片嘅，
有時口痕起上嚟，可以一次過食晒一大包-.-

前兩日，小編哥哥喺街買左一盒蔬菜片返嚟，仲攪到我地兩個爭D要搶嚟食XD

突然間，我靈光一閃～
諗起有食物風乾機呢樣野～！

對於我地呢D咁鐘諗食乾果嘅人嚟講，可以自家製一大堆自己鐘意食嘅乾果種類，真係一大福音～
出面買嘅，一係就勁多調味料勁咸，仲係高溫處理，一係就勁勁勁勁貴
所以嘛，都係自己diy好～
年中仲慳番唔少錢添XD

坊間嘅食物風乾機有好多，價錢去到數千蚊嘅都有。
有用開乾果機嘅朋友就話，其實買一D中低檔次嘅食物風乾機，其實都係差唔多，
而且部機嘅體積會比較適合家庭用，
價錢亦都平一大截；幾百蚊就有交易。

咁我聽完朋友咁講，就選擇左去買 億世家 echome自家品牌嘅DIY乾果機（＄399.9)

特點係可以連續使用48小時，
風乾水果，以低溫進行比較好（唔會咁易破壞vitamin同營養），所以，部機嘅時間可以set得愈長當然效果就會愈好。

呢部機可以做到外乾內裏仍濕潤嘅乾果，層架嘅高度亦都可以調校成1吋或者2吋，即使比較厚身嘅食材都可以風乾喔。

<3 小貼士
・層架嘅高度會影響風乾速度，氣流愈流通，風乾速度就會愈快。
・水分較多嘅生果，風乾時間較長（例如士多啤梨，就需要風乾大約20小時)，食物擺放喺較低層同埋分佈得平均D，效果會比較好。
・擺放食物嘅時候，唔好遮到中間嘅送風圈。
・食物嘅厚薄會影響風乾時間，愈薄口感就愈脆。

止咳偏方：蒸洋葱水

止咳偏方：蒸洋葱水

用料：
洋葱1個

做法:
洋葱去衣,切片
放入大碗中,隔水蒸30分鐘
即可飲用

小貼士:
洋葱放入碗後，完全唔需要加水落去㗎~^^
蒸半個鐘後，大約只有2-3湯匙左右嘅洋葱汁
呢啲先係精華嘅所在，咁飲先至會有用
加左水反而效果大大遜色

洋蔥
除左係止咳妙藥，對初起的咳嗽挺有用喔，大家咳得辛苦嘅話，不妨試一試：)

而且洋葱係非常之有益，有軟化血管、降血糖、防糖尿病同高血壓、補鈣、抗癌等等嘅功效
更加係女士恩物，可以減少脂肪、防止便秘，還可以緩解體寒等。

立刻變白，得左

一直都好想好想好想染Ash Gray頭
奈何我嘅御用髮型師一直都唔肯幫我染 (佢話我再漂，啲頭髮會爛晒-_-|| )

為左想達到Ash Gray頭嘅效果，我咩野方法都試 

(當然係唔成功-.-)

前排去台灣嘅時候，比我喺光南發現到呢盒"耍老"白色wax.
我諗緊買唔買嘅時候，邪惡嘅軸心；小編哥哥已經喺隔離不停話：買啦買啦，灰白色wor, 你染唔到wor...

哼！你估你咁樣就得架喇！！
(咁事實又比佢sale到我買，如果唔係就唔會有呢篇文⋯⋯囧) 

今日。。。我因為工作上要幫artist變白髮，終於開封拎左嚟試喇
(Um...當日我好似真係用"工作需要，當Hair White用"，而成功游說自己買的-.-)

結論係：
・人地講到明WhiteWax，所以搽出來，真係完全徹底變左白髮
・清新柑橘果香，質地清爽，完全唔lup
・顯色度唔係太高，需要重覆塗抹先做到相入面果個效果，但就可以輕易handle到個白色去到咩野程度
・速乾配方，顏色持久 （但我冇試到落雨／出汗會唔會甩，但相信喺面補噴正常hair spray會更long lasting）
・用洗頭水一洗就即甩，唔會好似X彩咁，要瘋狂洗頭

我覺得平平地買嚟做JOB （TWD$299)，遠比用colored spray果一種方便
（spray果一種，噴出來顏色唔夠均勻，亦會噴到頭髮好硬好假＋起點點）

極度推介比做開drama,影視job嘅朋友