我都叫係Airbnb的忠實fans嚟～XD
除左去台灣之外，去其他地方出trip，大部分我都會選用airbnb。
老實講，一直都覺得佢地嘅host都好好，地方乾淨舒適，而且價格非常相宜。
但真係天有不測之風雲，邊有諗到喺Airbnb會中伏～
幫襯咁多次，第一次住到一D咁差，而且價錢都唔係叫特別平嘅地方。
(原諒我冇影低相，因為真係好污糟好核突。我真心唔想影低 )
因為岩岩果一次嘅trip，係需要同客人去大阪同埋京都影相。
為左方便我地crew自己去site visit同埋方便完成個job之後轉去名古屋同沖繩，所以我地住嘅地方，我選址0係天王寺一帶。
首先，揀呢一間民宿。睇中嘅，係佢提及到：
1) 2mins to Tennoji Eki (2分鐘抵達天王寺站）
因為拍攝pre-wedding，又加上係秋天，日本日照時間極短，所以我地都會選擇一大朝早5,6點呢D時間就出發。
（因為未知道客人會否租7人車）
實際： 呢樣野就已經係唔乎合喇，我相信果一段路，係需要短跑高手高手高高手，先至可以勉強以2分鐘由站抵達民宿。
2) Cozy clean room with brand new futons and sheets.
雖則係share house,但之前住過果D都私穩度極高、極乾淨、而且仲好闊好舒服。
但呢一間，真係"冇得頂"～！
實際： Room同屋,係。完。全。唔。clean。的，打開大門入去， 玄關位置一大堆亂過亂葬岡嘅鞋sssssss。撲鼻而來有一大陣臭嘅鞋味＋酸"叔"味。（絕對冇website呢一張圖咁整齊～！！）
再入去房打開房門⋯⋯地下地毯超dirty，灰灰黑黑，勁多塵
（留意返，地毯係深藍色，但我地見到灰灰黑黑。而且，我地係瞓tatami的。你地明白當時果一個感覺嗎？-.- ）
房門左手邊，係有一個6層嘅櫃架。每一層都佈滿塵。而且佈滿屋主大量私人雜物
最底下一層，仲放咗大量1Yen硬幣0係度（但係係灑狗血式果一種擺放）
我地即時討論D 1Yen硬幣，究竟係風水野？辟邪？還是什麼⋯⋯
小編哥哥就話：鬼佬，點會係風水野呀，你見佢間屋咁鬼亂，都應該係亂掉D錢多喇。
應該唔係咩辟邪嘅。
講真，真係因為小編哥哥咁樣講一講，我個心先叫做定D咋～
可能我睇得D變態恐怖片多(XD），果一刻我個腦真係飄左："變態佬碎屍，再將碎件埋0係房"果D畫面出嚟。
而紅色箭咀指住呢一個櫃，更加係經典～～
櫃門上面不單止滿佈殘留已久暗暗黃黃色嘅（水？！）漬，而且櫃門非常之咁難"熨"開。
一打開個櫃門，入面係東歪西倒咁，有一堆好似垃圾咁嘅spare tatami、冇入枕袋嘅枕頭一個，同埋一張被。
另外旁邊仲有鋪晒塵嘅風扇、一堆膠袋、衣架3個。
其實個櫃就好似屋主嘅雜物倉一樣～
（那⋯⋯我地D野可以放喺邊？=.= ）
而下層有一個小小嘅夾萬（但我地完全唔敢用）同一個小小嘅garbage bin（圖中見到支燈下面果個，就係小小garbage bin。小到掉兩罐可樂就會滿果一種size)
Tatami同埋枕頭被鋪，係好多塵喺上面～（我指屋主為我地準備好，比我地瞓覺果幾set）
一掀開張被，即時有D塵飛左入我個鼻同塊面度～
而且夜晚瞓覺，個身同雙腳係感覺到有野咬 （唔單止我一個，我地3個瞓覺都比野咬）
為左穩陣起見（因為我見到係share house），所以我book之前都專登再inbox問一問，睇吓究竟間房可唔可以容納到我地三個人。
睇嚟，佢為左成功租得出，真係咩都話OK～！
實際係：係，佢冇錯，間房可以放到3張tatami。
但係係3張tatami要非常緊貼果一種。（好似停屍間咁，全部垂直線；腳向房門方向咁擺）
而且，係非常勉強先放到我地三個嘅行李喼。（一個20"，一個24"，一個25"）
3) Comfortable living room and kitchen, so you can stay in and cook.
鐘意住民宿嘅原因，就係鐘意可以有家的感覺，見到佢share house都可以用living room同廚房，所以我當時book嘅時候都即刻加左分架～
但可惜⋯⋯呢間屋實在比到我太多太多"驚"喜⋯⋯
實際： 一入到Living Room又係有一大陣"up"味，而且果一張同坐地下完全冇分別嘅3人坐位sofa，D布係反晒光的（Sofa本身係絨面布料，即係話，係坐到"起晒鏡"，而且並不是佢圖中果一張sofa）
Sofa的對面，就正正係另一間睡房。
講真，我地真係唔敢"享用" living room。
因為我地怕傾計同食野會嘈到人地。
而Kitchen，是開放式的
眼見係全屋叫做比較乾淨嘅一part。
實際：但我行埋去再望吓～
嘩～！！個爐頭全部都係啡啡黑黑嘅油漬，感覺lup痴痴的。（媽呀～～～～！！！）
廚房旁邊就放左一個雪櫃～
我地諗住放支大大支嘅樽裝水同少少食物入去啦～
一打開雪櫃，入面有幾碟冇鋪保鮮紙；黑黑紅紅嘅生肉喺度＋一梳發黑，爛到透的笨nana。
而雪櫃入面，都貫徹晒呢一間屋嘅style - 滿佈醬油漬同飲品漬的～！！
Um。。。
我地最後決定，將支水同埋食物都係放返入自己房～！囧
4) With nice bath facilities.
實際： 暫時嚟講，沖涼房叫比較正常
熱水超夠熱，通風、排放系統OK，但係入面係完全冇勾可以比我地沖涼掛衫。
咁唯有放喺出面洗衣機面吧。
（但問題係，出面洗手sink同洗衣機果個位置，係冇門架啵，只有一塊差點點先可以cover晒度門嘅透光浴簾一枚～而我地房係正正對住呢間浴室。超尷尬～）
而第一晚到埗我去沖涼嘅時候，仲
驚見淋浴位置；膠盤旁邊有一塊
濕到淋嘅護墊 （當然是用過的啦=.= )
洗衣機面係dirty同埋lup的 =.=
洗手sink盆有好多發毛嘅黑色點點同埋水
仲有一陣陣飄出嚟嘅up味～ =.=
而廁所⋯⋯
實際： 啲up味更見嚴重。
燈光昏暗如像強國公廁～！
旁邊小garbage bin，有塞到滿瀉嘅
血染的M巾～！
（以上圖片均轉載自Airbnb網站）
怎樣吧～
夠嚇死未？
環境惡劣不在話下～
呢間民宿嘅小姐同屋主，喺溝通方面都未如理想！
我地本身個booking係由16/11book到去22/11的。
但礙於呢度環境真的太過非常之咁惡劣，而且我地又就快完成大阪京都嘅拍攝工作。
所以，我地決定早D check out～！！
18／11當晚，我已經不斷嘗試用airbnb嘅apps去更改booking嘅日子，可惜未見成功。
所以當晚即時inbox負責呢間屋嘅女仔溝通溝通，睇吓佢改唔改到個booking~
佢就話佢地係改唔到嘅，要租客先可以更改～
咁都冇辦法啦，改嚟改去都改唔到
咁唯有睇吓Airbnb 嘅customer service幫唔幫到手（同時email Airbnb的CS，希望能夠幫忙）
直到20/11當日嘅一朝早（零晨5點），我地臨出發工作嘅時候，
我再inbox一次果一位小姐，話比佢知我地會翌日21/11check out.
(因為我地終於解決到0係airbnb系統改booking的問題）
點知～
果一晚我地返到去民宿，經過門外嘅時候～
我地發現我地入住果一間房嘅燈...開。左。～！！！
仲見到有人影0係房入面添~！！
我地三個商量左一陣，
最後決定開鎖匙入屋＋入房。（因為房錢我地比左架嘛，無啦啦比人佔據間房wor)
我地入房果一刻，見到有一個外藉青年0係度摺緊自己D衫 =.=
個男仔嘅表情非常之錯愕，然後即刻走左入living room入面另一間房搵屋主。
＊喺呢度輕輕講解一吓：
一直inbox跟我溝通，Airbnb account果一位小姐，係負責跟進呢間屋嘅租務。
而屋主，係一名外藉男士。恰巧喺我地到步呢一段日子，佢都喺日本，所以喺度住。
屋主出到嚟
佢劈頭第一句：
咦，你地返嚟嘅？XXX（果一位follow up呢一間民宿嘅小姐）同我講話你地20/11 checkout 的呀。
我以為你地已經去左沖繩，所以洗晒D tatami同枕頭被鋪 blahblahbla......
(總之最後佢嘅意思就係話，今晚應該唔夠spare嘅寢具比我地三個）
我心中OP：咁即係點，錢又比晒，但你就比左我地間房人地瞓。而且仲話唔夠寢具乜乜乜。平時又唔見洗野（有洗的話，就唔會出現上文我講嘅所有情況吧），而家先嚟話洗左我地D寢具？！
但剛剛收工實在好攰，而我都唔想浪費自己咁多嘅口水，
我第一時間已經拎個電話出嚟，比佢睇我地更改booking果一張單(係去到21/11 ～)
而且，同時間都show出我inbox比果一位小姐嘅對話⋯⋯
果一刻心諗，其實你地係點樣follow up的？
正常租客更改booking嘅時候，airbnb 唔係會發出email通知？
而我當時亦同時再一次inbox通知果一位小姐～
點。解。都。可。以。以。為。我。地。已。經。check。out？！？！？！？！！？
係因為我地拎走咗D喼嗎？
如果係真的話，我好想講： OMG，你知唔知道攝影師同化妝師做job係成日會拎喼出去的呀 =.=
而且我都未交還鎖匙～
點樣叫做check out ?!
最後，我地放低左D喼喺屋入面
然後落街食個宵夜，等個青年移動返佢自己D野，同埋等屋主幫我地準備返D tatami同埋被鋪 =.=
