呢個題材其實一直都好想寫。
因為。。。呢一個係一個比較敏感嘅題材。
我喺電腦前面諗咗好多日，究竟點樣先至可以寫到唔係尋歡網嘅感覺。
我想寫呢個題材，係想豐富travel blog嘅文章
講真，飲飲食食喪shop, 寫。到。好。悶
我想寫呢個題材，係想大家睇到每一個(繁盛) 國家/城市嘅另一面。
打頭炮嘅，係首爾其中一個紅燈區 - 清涼里
喺上個世紀被認為係首爾十大私娼街前5位。
清涼里呢一個紅燈區，並沒有清晰嘅地址
Google map亦唔會有地標顯示。
從前嘅清涼里紅燈區，
比起永登浦區、梨太院大好多。大約有400名妓女集中喺呢一帶工作。
據說，夜晚10點後，整條街都燈火通明，一排一排嘅小姐會企喺度迎接客人。
街道上亦都會有一大班阿豬媽遊走"sale客"。
小姐們大約20-30歲，當中仲有大學生。
拍攝當晚，零晨12點，駕車慢駛。。。
呢度，
再沒有燈火通明。
再沒有一排一排小姐迎接客人。
剩低只有，
一整排熄晒燈、落地玻璃亦被塗鴉嘅店鋪。
兩個阿豬媽非常熱情的走到我地車頭位置sale客。
十多名小姐坐喺店內塗指甲/化妝/玩手機/了鼻-.-
一千零一位相貌比較娟好嘅年輕小姐。
因為，
韓國政府將會喺度建立商廈，預計2017年會完成全面嘅清拆。
這。亦。是。我。到。訪。的。原。因
最後，要謝謝小編哥哥&另一位攝影師哥哥嘅陪同+協力
有你地陪同，我先可以喺車內隱身，先可以有相出呢篇文
（有兩位professional 攝影師哥哥坐陣，偷拍很成功的說 XD )
我一個人，其實真係唔敢去清涼里影相架
(出發前我仲大大聲跟小編哥哥講，我自己一個人去 XD)
§每樣事物，都有存在嘅意義§
因為人類有性需求，性工作者便會有存在嘅意義。
