微溫晚餐（伏就是這樣中）

天氣轉冷，第一時間就諗起要落廟街食煲仔飯
可能個個嘅諗法都同我差不多，出名果幾間嘅排隊人龍，實在長得好可怕～

唔得，我真係好餓。
我個胃因為等唔到我慢慢排隊，所以再周圍游吓，睇吓食邊間好～

嘩，見到呢間威記唔洗喪排，眼見鋪面都叫有9成入坐率的飯店，咪走入去食囉～

我叫左臘腸排骨煲仔飯、椒絲腐乳通菜，細蠔餅。
我都好出奇點解落order只係5分鐘左右，個煲仔飯就已經上到檯。Anyway，我決家等埋個椒絲腐乳通菜先～

先講個煲仔飯
一打開個蓋已經聞到有燶味，我以為自己太耐冇食，聞唔慣飯焦陣味啦，咁咪照擺入口食囉～
食左幾啖，我個心已經講緊粗口
1)飯好大陣燶味，再"不"吓個底，D飯焦真係焦架～！係完全燒焦～！黑炭果種～！！！
2)飯是微溫，係微溫，不是暖。係差半步就是冷飯果種溫度。
3)個飯一D香味都冇，而且飯粒有d濕，完全未收曬水份。


跟住就係椒絲腐乳通菜
1)碟野又是微溫～
2)d汁就嚟「瓊」晒咁，杰撻撻的～
3)味道十分之咁淡, 食／聞唔到腐乳香
4)D菜梅梅地咁，食落口一D咬口都冇


最後就係個蠔餅
1)又係微暖的，食左幾分鐘就已經覺得碟野凍晒
2)粉多蠔少，唔熱又唔脆


講真，我咁大個女真係第一次食到D咁難食嘅野
全餐飯冇一樣野係熱辣辣上檯的，真係好厲害～！

價錢嘛～
除左上面3樣野之外，友人佢自己都order左一個煲仔飯的。(好唔好食我冇問，不過相信都唔會有surprise~ )另外我地order了一人一罐汽水。

埋單$150
老實講，香港地兩個人食餐晚飯，呢個價錢係合理的
（但消費0係呢間店除外～！）

名古屋快閃 - 住宿篇

其實逗留0係名古屋只係短短一晚而已
當初真係有諗過瞓機場～

可惜，名古屋機場並沒有像關西機場一樣；入閘前有果一D對外嘅開放lounge。
而機場周邊的酒店，不是客滿就是房價講緊要成HKD＄1300蚊或以上。=.= （已經係出發前兩個月打0係網上訂房）

又因為我跟小編哥哥，都唔想落機拖住行李然後搭個幾鐘先出到去酒店，翌日又拖住行李搭個幾鐘頭車出返機場。
所以，榮、名古屋駅周邊⋯⋯呢D地區我地都不作考慮。
我地考慮的地區，只有常滑同埋機場周邊～

坐0係電腦出面足足大半日，睇左好多好多book房的agency website。原來0係呢兩個地區搵住宿，係。十。分。之。難！！

最後，還是要睇睇Airbnb了。（其實平時去日本，我地都係thru airbnb/樂天日本 訂房的，但今次stay名古屋只是一晚，怕好多民宿都唔接受只住一晚呢，所以一直就是睇酒店=.= )

一click去常滑市。。。我呆左～！！

得一間～！只得一間民宿=.=

仲要791蚊一晚，仲要係share house=.=

咁唯有認命，繼續0係附近區域搵吓啦～

左click吓右click吓～

竟。然。比。我。發。現。到。另。一。間。喺。常。滑。的～！（當然最後係book左呢間啦，唔係打呢篇文嚟幹嘛耶～）

嗱，好老實講，在於我地呢D職業病上身的，見到張相咁，其實真係會打退堂鼓。因為真係唔吸引。

如果我唔係冇晒辦法的話，

見到呢張相真係唔會book嚟住架。

個廳。。。睇呢張相係咪覺得好昏暗呢？

可能你地會覺得好奇，咁你最後又book 嘅？

係因為。。。

1)呢度距離機場真係好近，搭名鐵只需要10分鐘。

2)我鐘意佢有接送服務

屋主係會提供免費 常滑《-》民宿 接送服務的

（需晚上8：30前抵達常滑站）

對於我地旅客嚟講，拖住D行李，又唔熟路。有車接送真係爭好遠架～

又或者，

可能，

你地會連搭名鐵都唔想添，

屋主亦會提供 常滑《-》機場 接送服務

每程都只係2000yen （已包括燃油、橋費等）

就係以上種種，即使睇張相⋯⋯覺得間房好似有點兒那個（殘），但最後我還是決定book呢間了。

（book房時係完全唔知道常滑市有咩玩，亦完全唔知道搭名鐵去常滑駅係咪真係近到咁）

結果去到，當然就是suprise到爆炸ya～！

一到埗，屋主太太就好似地產經紀咁，介紹晒屋內設施同設備比我地。

房間嘛，床鋪擺放跟相片見到係一樣嘅～（但唔知點解我會用ig影，而唔用相機影。最後仲衰過airbnb擺出來果張=.=  ）

但其實空間比相片係大好多哦，而且屋主仲為我地準備好spare嘅被～（當日得8度）

最緊要係，成間屋、房間、每一個角落都非。常。之。咁。乾。淨。！！

可以用一塵不染嚟形容～！

屋主亦為我地準備好兩set沖涼毛巾

（不過我係習慣帶自家的哦XD）

浴室（共用的）

淋浴

（屋主準備左淋浴露、Shampoo＆Conditioner比租客的哦）

而且房間、客飯廳分別都有暖爐架～

成晚瞓覺都可以暖lup lup

就算半夜被人搶晒D被，都唔驚凍親啦嘛～ XD

其實個客飯廳，係咁嘅～

（光猛的哦）

雪櫃亦準備左凍水、飲品比我地～

早上仲準備好早餐比我地添～

(好感動～～～）

雖然係share house，但屋內屋外環境係非常之咁寧靜的

（其實當晚另一間房間係已經出租左比一個女仔架～）

靜到，我地仲反而驚咁夜去到會嘈到果個女仔添 :P

(我地當晚係大約晚上11點左右到埗的)

而且非常有私人空間

不過，唯一一樣野，就係房內係冇電視嘅～

Anyway，我地覺得乾淨整齊，同埋可以一覺瞓到大天光先係最重要～

的確，
我地一瞓就瞓到鬧鐘響先醒～

高床軟枕嘛～
仲唔願起身添～

:P

講左咁耐，咁究竟即係幾多錢一晚呢？

夾埋Airbnb的service charge, 兩個人其實只係＄479/晚

大家如果去開名古屋，想住得近機場，又想住得平

呢間真心推介～！

房東名字係： Mike McCarthy

Keyword： Tokoname-shi，Central Airport Nagoya.

名古屋快閃 - 密集式遊樂篇

上回提到，我地stay 0係名古屋其實係因為航班時間比較彈性。所以嘛，根本就冇plan到去邊度玩。

為免因為交通問題而miss了航班，所以民宿都選擇咗距離中部機場只有兩個站的常滑駅

近成點呢？！近到係搭名鐵由常滑到中部機場只需要5分鐘～！超近的吧～！

名鉄常滑線常滑駅改札

到達民宿嘅時候已經差不多十一點了，街又黑麻麻。真心覺得有D驚架～

我記得一路行要一路痴實小編哥哥XD

因為周圍環境睇落好似D變態殺人犯住果D小村落咁～

好彩有小編哥哥同行同埋有google map，行左十幾分鐘之後，終於到達民宿^^ 

(民宿嘅介紹之後補上 :P）

好喇，講返密集式遊樂先～

話說我地到左民宿之後，就出左去附近的便利店買野食醫肚。

雖然係便利店買的晚餐，但我地都食得好開心呀～

因為真係好好食～XD

當我地0係magazine果個架度"搗緊亂"嘅時候，小編哥哥發現左D野～！！

佢發現左男人的浪漫當中，其中一個浪漫⋯⋯

Evangelion喺名古屋Parco攪緊展覽～！！

岩岩碰著剛剛，橫掂我地本身都未plan到要去邊度～

瞓醒就陪佢去睇Eva吧～

因為要爭取時間務求去到多D地方，所以我地一朝早8點半就起左身 XD

（預計搭名鐵需要大半個鐘左右先出到名古屋駅，出到Parco應該係十點左右，剛好Parco開門哦～XD）

呢個嘛⋯⋯每次我地都一定會拍低的～！

名古屋Parco係位於矢場町駅Exit 4，好易去架咋^^

我地到達Parco南館門口了～！

門外仲見到有條小人龍排緊隊添～

Eva果然係厲害～！

■期間：11/6(金)～12/6(日)10:00～21:00

■会場：南館8F 特設会場

■入場料：前売券 500円／当日 600円 ※未就学児は入場無料

做遊客就係要影吓呢D咁行嘅相架喇～XD

口裡說不，但身體卻很誠實

小編哥哥雖說去Eva展主要係影相嚟毒吓朋友仔⋯⋯

但每一set figure佢都非常認真的拍～！！

（嗯，一定係因為職業病而已⋯⋯一定係一定係～！）

仲拍片添～

男人的浪漫嚟講，淨係睇又邊會夠

所以Parco 0係西館有一個好的式嘅pop up store 供fans們散財 :P

■期間：11/6(金)～12/6(日)10:00～21:00

■会場：西館7F 特設会場

※西館７Ｆ「エヴァンゲリオン２０周年ショップ」では、商品券・ギフト券はご利用いただけません。

小編哥哥買左一D貼紙～

仲有呢本notebook~ 

行完Eva之後，竟然比我發現到原來仲有Funassyi Cafe!!!

我要去我要去我。要。去呀～！

好可愛呀～可惜早餐都仲未消化 > <"

唯有望吓開心吓就算啦～

Cafe限定版嘅碗都好可愛呀～但因為太多行李同hand carry了

帶唔到返HK～:(

買咗呢幾隻Cafe限定的cute cute Funassyi~ 

仲有呢兩本繪本～ :)

今次Cafe之所以會南下名古屋，全因船梨精展覽「FUNASSYI FANTASY WORLD」將會喺12月10日於名古屋Parco進行，

場內到時會展出Funassyi歷史、相片、映像⋯⋯

日期：11月7至12月28日

時間：10:00am~10:30pm

地點：名古屋Parco西館8F Kyattsugaden

其實同場仲有妖怪手錶

不過呢個⋯⋯我地兩個⋯⋯真係完全冇興趣～

唔睇lu，爭取多D時間去第二度吧～:P

(時間已經係12點了～好急趕哦～）

今次呢個trip，工作schedule實在排得好密麻麻，都冇咩時間去行（我地好鐘意去嘅）

マンガ倉庫 ＆ Book-off 

於是乎就問吓偉大嘅Google，睇吓邊度有啦～

OMG～原來就喺常滑市就已經有一間了～

Gogogo, gogogo ～！

原來常滑市日光日白行，係差咁遠～

一街都係陶瓷，好鬼有藝術氣息～

一出常滑站行冇幾遠，就會見到一道鑲滿左陶瓷貓創作嘅石牆，

原來每隻貓貓都有唔同嘅意義架～

祈求平安、祈求婚姻、祈求學業的⋯⋯

呢隻好hiphop呀～XD

呢隻咁大隻嘅SuperCat，我笑噴了～

常滑市 - 歷史悠久，日本六大古窯之一

常滑步道沿途都會見到好多陶瓷會館

行經陶瓷貓貓石牆；差唔多見到一條天橋嘅時候，

記得抬頭望上石牆頂呀～！

會見到好～～～～大隻招財貓～

喵～

好得意呀～！

呢隻咁大的招財貓，其實係政府為咗吸引更多遊客嚟呢度，

於是就喺市內嘅護土牆上面起咗呢一座超。級。巨。型。嘅招「人」貓喇～

（舉右手係招財，舉左手係招人）

貓貓居高臨下咁守護住整個城市，勁有氣勢哦～

常滑 - 其實係日本非常著名嘅陶瓷古鎮，而招財貓嘅生產量更加係全國首位，

所以亦稱常滑市為「招財貓的故鄉」！

名古屋快閃- 機場篇

今次快閃日本之旅，名古屋其實並唔0係我地個行程入面。

由沖繩乘搭內陸機飛去名古屋，其實純粹係為左航班時間更彈性同埋機票比較抵架姐～ :P

去關西，大家好快就可以講得出大阪、梅田、難波有咩好食好玩，而京都又有清水寺、祗園、嵐山等等⋯⋯

而相對名古屋，好似冇太多景點可以去咁，而且大家都唔係可以一開口就講得出有咩地方好去～

名古屋－日本的中部,位於東京和京都的中間，所以又被稱作中京。其實去大阪、京都、奈良等等都好方便架～

當日抵達名古屋中部機場，已經係晚上嘅8點幾。老實講，周圍都已經冇咩地方好去lu。但又因為翌日返HK嘅航班係下午6點幾。

經過不多於5分鐘嘅商量之後，我跟小編哥哥就即係決定將行李鎖0係機場，可以方便我地第二朝去行街～XD

（即係話其實我地早少少起身的話，都可以有半日去行吓 XD）

對於我地呢D實際得半日時間去玩嘅人嚟講，處理笨重行李係非常重要

名古屋中部機場，就提供咗幾種唔同形式嘅行李寄存、托運方法 ～

短短半日行程，托運同宅急便服務我地好似唔係好用得著哦～

所以，剩低就係呢兩個方法了～

1)臨時行李寄存

行李寄存位於2樓Arrival 同埋 3樓Departure。若果外套之類嘅衣物，果度係有提供衣物保管服務架～

不過要留意返佢地營業時間～

（但因為我地打算將行李擺放到翌日，所以呢個臨時行李寄存我地用唔著了～）

營業時間

3樓Departure：6:30-21:30

＊21：30之後改0係2樓受理服務。

2樓Arrival：7:00-22:00

2)Coins Locker

價格

小型投幣式儲櫃：300日圓/天

大型投幣式儲物櫃：

600日圓/天

投幣式儲物櫃尺寸

大型投幣式儲物櫃： 35cm × 85cm （30"喼）

若果私人物品／行李需要放置0係 locker超過5日，又或者最大size嘅locker放置唔到的話，就要用臨時行李寄存服務lu。（每車收費500yen）

而Locker旁邊就已經有兩大間changing room~ 超方便

我地兩個二話不說就將一身充滿沖繩陽光與海灘氣息嘅夏裝換掉，著返冬天衫～:P 

（當日名古屋得9度=.= ）

處理好行李之後，差不多已經九點半。假若起程出發去名古屋市中心，出到去D店鋪應該都閂晒門了～

於是乎0係出發去常滑駅嘅民宿之前，我地決定去嘆一嘆先～:P

我講緊嘅，就係機場入面果一個天然溫泉～！！風の湯！！

位於中部國際機場4/F，營業時間：08:00-22:00

成人收費￥1000，包毛巾的哦～

先到Locker寄放鞋～～＞然後再販賣機買溫泉卷～～＞再將溫泉卷交比櫃台嘅服務員姐姐⋯⋯

靚女姐姐就會比低一大一小嘅毛巾＋女湯入面嘅locker key 你架喇～

印有名古屋機場吉祥物－謎樣的旅人嘅毛巾～XD

好可愛哦～！

浸完溫泉，出面嘅休息區

呢張相係從官網處轉貼的。一邊睇飛機一邊欣賞日落，

仲可以一邊浸溫泉，好爽丫丫呢～可惜我地浸嘅時候係將近打佯嘅時間=.=

風の湯都有餐廳架～
浸溫泉加埋食，都只係￥1500而已～

不過我地冇0係度食到呀，因為店鋪都要關門了，

所以我地打算返到民宿附近先再去便利店買野食～XD

西九龍中心 - 購物篇

之前一連兩篇介紹咗西九龍中心入面嘅隱世餐廳

今次來個shopping篇

大家對西九龍中心嘅印象，係咪都好似我咁仲停留0係Apple Mall 好多好多的格仔鋪、連鎖店同埋圍住商場嘅車仔檔呢？

而家位於7樓，就開左一間特式嘅店鋪，就係Cafe Dream嘅對面

店鋪入面賣嘅東東，集合Vitage、潮流，美國風嘅衫褲鞋襪；包包跟飾品

連小朋友嘅衫褲都有，而且甚具特式

據說，產品由泰國、夏威夷、韓國引入

對於我呢個愛好vitage同舊美國風嘅人嚟講，呢度係聖地～！！

我好想花多一、兩個鐘係店入面行

XD

可惜，要趕去foodcourt試食

所以嘛，留待下一次自己慢慢逛

然後upload戰利品上來，同大家分享囉～