洛神花紅棗水

《M Come要識得飲》

heart 表情符號 洛神花紅棗水

heart 表情符號 材料
洛神花（用已曬乾嘅洛神花,並要用熱水先過一過作洗淨）2朵
紅棗 8- 10粒（要洗乾淨唷）
紅糖 適量

heart 表情符號 做法：
就直接將已洗乾淨嘅材料，放入保溫瓶用剛煲滾嘅水嚟焗
大概8-10分鐘左右吧

heart 表情符號 洛神花：
具有解熱、抗高血壓、有補血、
平衡身體內的pH值嘅效果。

可消除疲勞及便秘，並具有利尿、促進新陳代謝的功效。

清熱解渴，清心降火、止咳、降血壓、消除疲勞。

富含VitaminC，可改善體質。

解毒、利尿、去浮腫，促進膽汁分泌來分解體內多餘脂肪。

味酸，有活血補血、養顏美容嘅功能。

生津止咳，幫助消化，增強胃功能。

heart 表情符號 洛神花嘅萃取物，對於預防癌症、冠狀動脈硬化、
幫助消化以及抗老化、抑制自由基活動都有相當嘅功效；
對於幫助女性生理週期都有唔錯嘅效果唷～

遊走台灣2016: 日星鑄字行

日星鑄字行呢個名號，大概就喺小妹第一次踏足台北，就已經聽說過了～

當時還是跟隨旅行團去旅行、四處走馬看花果一種。

離港出business trip的次數，日漸倍增之後，台灣也可以稱得上係自己第三個家了～ (第二個家是關西哦XD) 

講返日星鑄字行，一直都好想搵時間去，不過每次總係無法配合店嘅開放時間，又或者對我嚟講之前嘅旅伴，好多就是唔會陪我癲／唔會懂得欣賞呢D將會日漸消失；活版印刷工藝嘅美，

就是不懂感受，從內容、編排、嵌字⋯⋯
活版印刷嘅精。妙。

今趟與鐵腳旅伴們再一次嚟到台北，當然就是立馬要去日星行個靚圈吧XD
（悄悄說：好處說是，那些旅遊部落格的相片嘛，
還有專業的一直在替我拍，多好～
大家應該一眼說看得出來，哪一些是用手機拍，哪一些是專業拍得囉～XD )

對於點解我會去鑄字廠呢？

我細細聲咁話過你地聽啦～

小妹對字體是非常非常非常⋯⋯咁迷戀的XD

日星鑄字行，

係一間活版鑄字廠，位於台北市嘅太原路，創辦於1969年

專門生產鉛體文字，專提供比印刷業。

自中南鑄字廠於2000年關閉之後，

日星鑄字行成為台灣唯一僅存正體中文活版印刷的鑄字行。

以「昔字、惜字、習字」嘅精神，積極推廣鑄字、活版印刷文化的復興與保存。

當永利街、囍帖街都被"活化"到今時今日嘅地步，香港嘅鑄字廠究竟還能剩下多少？

台灣的，好像比較懂得／重視傳統產業。

對，日星是全台灣僅僅的一所正體中文活版印刷的鑄字行。

但，他們就是懂得保留那份傳統產業。

（雖然都是經過爭取才能保留日星這所鑄字行，但最終也保留到哦，對嗎？）

老闆為左傳承鑄字產業與活版印刷嘅工藝文化，

喺活版印刷產業已經被電腦平板印刷取代嘅現在，

仍然堅毅咁保留日星鑄字行，

繼續為印刷工藝"記載喺歷史上面。

所謂鉛字，其實就係以前使用活版印刷嘅時候，印刷廠用嚟排版、印刷嘅每一個字。

呢間，日星鑄字行就係當年生產呢D鉛字嘅地方，

呢度，將。鉛。字。都。保。留。晒。落。嚟！

（保留左超過 30 萬個鉛字嘅銅模）

 呢度每一個鉛字印章，除左本身物料嘅實質重量之外，

仲有那些看不見嘅歷史份量，

這，就是傳統工藝的價值

入口處放有字體簿，

供訂製／選購鉛字嘅時候，可以快速睇到唔同嘅字體模板及字體嘅大細

（但其實入面嘅字句，都蠻有意思的哦）

呢一台是鑄字機哦～

參加唔到佢地定期舉辦嘅活動，或者導覽？！

唔緊要哦，周圍都會有相關嘅QR Code，比大家即時睇返詳細嘅介紹～

既然嚟到，買個活版印刷體驗組，也在所難免～XD

其他嘛，大家倒不如親自嚟睇吓～

（HKG - TPE的機票經常都有超平嘅優惠 XD )

日星鑄字行

地址：台北市太原路97巷13號

電話：02 2556 4626

開放時間：

Mon-Fri: 08:30 - 18:00

Sat: 09:30 - 12:00

Sun：休息

遊走台灣2016：展覽 - 伊藤潤二恐怖美學大展

月頭剛剛去完伊藤潤二臺北展，梗係要即刻寫文～
因為係日本恐怖漫畫的一代宗師--伊藤潤二，
全。球。首。次。嘅美學體驗大展哦～！！

唔記得係咩野年紀開始睇（總之就係讀書嘅時候吧）伊藤老師嘅漫畫了～

但我就肯肯定因為開始睇富江、漩渦、恐怖模特兒、雙一⋯⋯，先知到原來漫畫書都可以咁正正子～

闇之聲、至死不渝的愛、溶解教室⋯⋯呢D叫做比較近期嘅作品～

我真係超鍾意睇伊藤老師呢～（我想當年完全懶理其他fd子話我變態）

去臺北，就梗係要睇展覽

仲要可以同一班fd子夾到時間一齊去睇伊藤老師

我真係超開心勁開心好開心呀～～～～！！！

今次展覽係喺華山1914文化園區，其實門劵係可以網上購買，同埋可以網上預約時間嘅～

不過我地最後都係walk-in～

其實都唔係等左好耐，只係等左十分鐘左右就入得去。

展覽收費：TWD$250

貴唔貴就見仁見智了～

今次場展用左AR系統 ，將「伊藤潤二AR」 apps裝好0係手提電話之後，工作人員就智將大家部手提電話放落展方0既眼鏡到，咁就可以0係場內睇一D貼有AR貼紙嘅展品lu~ 

(漫畫裏面既人物會郁、會有聲效，仲有尖叫聲～！！）

場內係有free wifi的，不過真係好慢，而且個apps有成3百幾MB，所以我建議大家去展場之前，最好都係download定個apps先

平日入場，仲會有抽獎添～

不過我地一眾同行嘅，完全冇人抽中～XD

有快樂的雙一～

仲有富江哦～

當然仲有旋渦～！！

另外，場內"人頭氣球恐怖拍照亭"，呢個真係一定要玩～

嚟得睇展，點可以唔影返張人頭汽球留念架～（唔洗額外收費嘅～）

可能因為我地係平日入場，所以當日都唔係排左好耐（5-8分鐘左右），我地仲排左3,4轉，影左4張添XD （每次只能同一位朋友一齊合照，因為total只得兩個"汽球"可以key上去）

除左AR effect，場內展出人頭氣球全未曝光既原稿～

（係，係完全未曝光的，暫時只能0係呢個展覽睇到《人頭汽球》嘅番外篇）

行完個展覽之後，靠左手邊有一個貨櫃改裝嘅商品售賣處～

有好多都係限定商品嚟呀～！！

Postcard、富江poster、雙一口罩，呢D

真係不能錯過～！！

收銀處仲有TWD＄50 的人頭汽球賣 (有分男同埋女兩款的）

如果要即時pump的，收銀處會比一個token你，出去外面果部人頭汽球機度pump的～

就係呢一部喇～

展覽去到二月尾咋，快啲去哦～

地址：台北華山文創園區

開放日期：即日至28/2/2016

平日(一至四)：1000－1800

(最後售票時間1730)

假日(五至日)：1000－2000

(最後售票時間1900)

新年特別開放時間：

2月7日：休展

2月8日至2月12日：0900－2100

最後入售票時間：2000

闇黑好禮

1月18日至2月5日，星期一至五入場就有得抽獎

票價：TWD$250

展覽官網

http://www.itojunjitaiwan.tw/index.php