<懶人之選>

雖說，我成日都會好長氣咁提客人們好好護膚
雖說，我成日都話靚底妝首先要有靚皮膚。。。
但其實，我堅懶 

懶到：去試妝前幾小時先醒覺，先記起自己塊面好缺水，然後先至走去急救。XD

好彩我長期都有藏人美肌魔法水喺度。
(而家係新版，叫天使水喇，小姐)

美肌魔法水有平版SKII呢個稱號，相信大家都唔會陌生吧。
天使水更加係美肌魔法水嘅升級版，成份除左蘊含豐富JUNMAI SHU特許配方﹑膠原蛋白,維他命Ａ（溫和分解老化角質和美肌，平衡肌膚pH值，改善肌膚不平衡而引起的痘痘, 敏感等等多重問題）。而且仲增加左vitamin B5同金盞花成份添~

天使水，除左好似平時爽膚水咁用之外，仲可以用嚟敷面，同埋好似我咁，拎嚟急救皮膚添：)

由於佢嘅texture較厚身，喺而家春天潮濕嘅季節 ; 平時日間我就咁單用天使水都已經非常足夠哦：)

而且天使水滲透力超高，效果更係即時性的。

因為今次要急救面仔，所以全塊面塗抹完天使水之後，就做多一個step...
就係倒大約五蚊銀咁上下份量嘅天使水喺手心，然後輕拍天使水喺面上 ~
當皮膚吸收晒天使水之後，就會即時見到皮膚變得細嫩、幼滑與及回復彈性 smile 表情符號

係，無錯。
個.急.救.方.法.就.係.咁.簡.單~!!