熊野筆

去日本，買化妝掃可以叫係化妝師必做嘅事。
最廣為熟悉嘅，就有大家一直都好推崇嘅白鳳堂化妝掃

其實，我會偏向推介買Koyudo嘅化妝掃比較多。(論CP值嚟講XD)

Koyudo係熊野筆嚟。(白鳳堂亦都係)
在於價格同質地方面，Koyudo實在比較易"入屋" (當然我在東京進修時，都有買下一整套白鳳堂，珍藏吖嘛 😂 ) 

唔知大家知唔知道。。。
畫筆、書法用嘅毛筆、化妝掃等等
大約80%嘅，都係喺熊野町製造？！

由於熊野筆品質高,除左供日本國內使用之外,仲會出口到國外,深受好多藝術家/化妝師嘅青睞。

呢啲筆/掃,由工匠根據各種使用目的，由動物嘅毛當中，精選出最適合嘅毛,
一枝一枝咁，手工精心製作出嚟。

而且佢地採取不修剪毛尖，務求發揮出各種動物毛嘅優點而發揮嘅各種應用上面。

畫筆，以其運筆嘅感覺特別與眾不同,
化妝筆，以其柔軟嘅觸感而聞名。

專業嘅化妝知識、技巧，配上殿堂級又優質嘅化妝掃，咁就perfect池喇