NewZealand工作以外的生活日常 - Fairlie Bakehouse

<NewZealand工作以外的生活日常>
到達ChrisChurch，攝影師哥哥喺機場接咗我之後，就揸車去到呢一個同ChrisChurch相距170km嘅小鎮 - Fairlie

講飲講食前，客套都要向攝影師講返句： 辛苦晒，謝謝你
因為嘛，基督城機場揸車嚟到呢度，真係超級堅係勁遠。(170km即係幾多？即係由名古屋市去到大阪天王寺咁遠-.- )

而且，夜麻麻咁行170km又黑又多突然急轉嘅彎，揸車真係好需要打醒200%精神(っ´ω`c)
唔係講笑，2個幾鐘嘅車程，我真係有好多次接近瞓著。(但唔敢瞓呀，驚攝影師哥哥會瞓埋一份，所以要keep住間唔中同佢傾吓計XD)

好喇，講返Fairlie先。
呢個鎮真係好細好細好細。。。(大家有到過由布院嗎？就係跟由布院差唔多大細)

但入面有間烘培店 - Fairlie Bakehouse
佢嘅 Leiber Pies 係。超。出。名。der!!

Lieber係德文「愛」嘅意思，
紐西蘭嘅Leiber Pies係用酥皮包住各種唔同嘅餡料烘焙而成。
喺紐西蘭好多地方都有佢地嘅pies賣der

Leiber Pies, 選用當地新鮮食材，味道香濃，餡料亦都非常十足。
Leiber Pies仲有各種唔同嘅口味；忌廉菠菜、傳統嘅肉餡芝士、煙雞肉+蘑菇、牛肉餡、嫩牛排，煙肉+三文魚等等。。。

其中煙肉三文魚，我覺得真係好好食😂
裡面不單只有三文魚，仲有煙肉同白汁。
而且三文魚味、肉味都唔會太過濃。

喺只得幾度嘅天氣底下，咬住呢個熱辣辣嘅Liber Pie, 真係大。確。幸 <3

而且只係NDZ $5 一個，食到製作者親手逐個pie整嘅心機就已經係物超所值~! 

Fairlie Bakehouse絕對唔難揾，因為個鎮唔大，而且油站、Cafe、Supermarket、商店etc都係集中晒喺果一條街，只要見到FourSquare Supermarket/加德士油站, 就會見到呢間烘培店了 :)

提提大家，Fairlie嘅店鋪都好早收。
今日我食呢個pie嘅時候，係下午4點幾5點左右，但周圍嘅餐廳、Cafe都開始收鋪了 -.-
所以，如果想試吓呢個Leiber Pie嘅朋友，記得早啲去食喔 😎

Fairlie Bakehouse Fanspage資料得知：
★營業時間為0600-1630