今次要講呢一間，可謂小妹嘅首推 (y)
呢一間就係： Cafe360
大家睇到呢個名，係咪都會好似我咁，第一時間諗： 同Spaghetti 360究竟有咩關係？！
冇錯，真係同一個group的。
但呢間Cafe360, Menu多一D新穎嘅菜式，而且甜品同飲品嘅選擇，都比較多。
負責人稱，Cafe360係主打年輕人路線，所以價錢上十分十分十分之咁相宜。
而且店內店外都有一D特式韓風嘅裝飾
岩晒我地呢D鐘意相機先食嘅人～XDD
當D菜式嚟到嘅時候，我望到個份量，已經覺得飽飽地～XD
真係大件夾抵食，而且仲要係超。級。好。食
學May 姐話齋，魚有魚味，薯條有薯仔味配埋附上青瓜沙律醬，口味一流；連個面包，都係外脆內軟架～！
好味程度係，我而家諗起都已經吞緊口水 :P
圖中嘅食品，我全部都有試
全部都好。好。好。好。。。。。。。食
如果要我真係搵一兩樣推介的話，
首推佢個魚柳包，一條原條魚柳；魚柳大個包，魚味好濃，冇冷藏味道，而且好鮮味，伴碟嘅粗條薯條，咸味適中，外面脆卜卜，入面薯蓉熱辣辣，好味到爆登～！
另一個係紅豆冰，呢杯紅豆冰入面有啲丸型（圓波型XD）韓國年糕，口感豐富，而且唔會冰多過紅豆，texture好滑好creamy而且唔係好甜。
最後係推介佢個雪糕waffle，雪糕味道夠rich，0係雪糕上面；來自意大利嘅朱古力脆脆，味道濃而滑（相信鐘意食朱古力嘅朋友會明白；好食而優質嘅朱古力個texture同味道係如何～:P )
Waffle鬆軟而且蛋味恰到好處，香蕉夠新鮮，蕉味濃郁。
講咗咁耐，當然要講價錢啦～！
來自Spaghetti House旗下的，可能大家都會覺得價錢應該會同Spaghetti House差唔多（即係有D貴 :P）
大家咁諗嘅話，就。錯。喇～！
Cafe360,
一個Waffle都係三十零蚊
一個酥皮湯套餐＋芝麻汁雞肉意粉，都只係45蚊
一個比利時炸雞waffle二人餐，只係188蚊
（有酥皮湯、比利時炸雞waffle、一款飯／意粉，仲有甜品同埋青瓜soda一jar）
Address: 深水埗西九龍中心6樓622-623,625鋪
沒有留言:
發佈留言